SHÇBA e Kukësit arreston një punonjës policie për shpërdorim detyre.
Sektori i Shërbimit për Çështjet e Brendshme dhe Ankesat (SHÇBA), në Kukës në bashkëpunim me Komisariatit e Policisë Has kanë arrestuar punonjësin e Policisë, Shaban Bera, 54 vjeç, me detyrë Kujdestar-Magazinier, pranë Komisariatit të Policisë Has.
Arrestimi i tij u bë pasi akuzohet për veprën penale “Vjedhje duke shpërdoruar detyrën ”, të parashikuar nga neni 135 i Kodit Penal.
Nga inspektimi i kryer nga Specialistët e Drejtorisë së Inspektimit të SH.Ç.B.A-së, në ambientet e magazinës së armatimit të Komisariatit të Policisë Has, u konstatua se mungonin 3 pistoleta, 210 fishekë, si dhe mosrakordim të numrit serial të një pistoletë thikë.
Pas kryerjes së veprimeve paraprake hetimore materialet i kaluan Prokurorisë së Rrethit Gjyqësor Kukës për veprime të mëtejshme.
Po ashtu në muajin Shkurt 2016 nga ana e strukturave të SH.Ç.B.A-së është arrestuar për të njëjtën vepër penale magazinieri i Drejtorisë së Policisë Kukës, Përparim Dauti pasi gjatë kontrollit mungonin 12 000 fishekë në magazinë.
