Dialogu me Serbinë nuk po ndihmon vetëm këtë të fundit por edhe Kosovën. Deklarata është bërë nga përfaqësuesi i Komisionit Evropian, Samuel Zhbogar,
Në fjalën e tij Zhbogar theksoi se është e rëndësishme të ndërtohet një dialog i nivelit të lartë ndërmjet Kosovës dhe Serbisë.
Në përgjithësi tonet kritike, sipas tij, janë më të mëdha për implementimin e marrëveshjeve.
“Ne duhet t’i kujtojmë vetes se jo shumë kohë më parë njerëzit kanë humbur jetën dhe ligjet e Kosovës tani po implementohen. Kemi kryetarë të komunave veriore që punojnë me ligjet e Kosovës, kemi prezantimin e serbëve në institucionet e Kosovës, nuk keni më barrikada të vërteta në veri. Ajo te ura është me shumë figurative. Kemi strukturat paralele të integruara ose në proces të integrimit në policinë e Kosovës”, tha Zhbogar, raporton Kallxo.com.
Zhbogar tha se Kosova nuk duhet ta shikojë dialogun si diçka që po ndihmon veç Serbisë.
“Integrimi në BE është rruga më e mirë për t’i inkurajuar të dyja palët për një dialog më të zhvilluar. Kosova po e sheh si një mundësi për Serbinë. Mendoj, duhet ta interpretojë në favorin e vet, sepse është një nevojë e Kosovës të normalizojë marrëdhëniet me Serbinë, për të ecur në rrugën drejt BE-se”, tha më tej Zhbogar
Më tej Zhbogar vlerësoi bashkëpunimin mes kryetarëve të Mitrovicës së Jugut dhe Veriut.
“Rakiç dhe Bahtiri, të dyt u bënë bashkë për të mos lejuar përshkallëzimin e situatës në veri javë më parë. Kjo kupton që dialogu po ateron atje”, shtoi ai.
Redaksia Online
(Javanews.al)
