Në 3300 intervista të konsideruara të vlefshme, nga mbi 10 mijë të anketuar në sondazhin e fundit parazgjedhor të ABC News dhe Angi Ricerche; 51.8 % e shqiptarëve kanë shprehur mendim pozitiv për kryesocialistin Edi Rama.
Në emisionin “Real Story” në ABC News, juristja Brizida Gjikondi komentoi fushatën e partive politikë për zgjedhjet parlamentare të 11 majit. Gjikondi u shpreh se ish-kryeministri Sali Berisha gjatë kësaj fushate ka treguar se ka probleme të mëdha.
“Të jetë Tomor Alizoti më i egër se Berisha, tregon që ajo parti ka probleme më të mëdha. E ka dëmtuar shumë edhe LaCivita…Berisha e ka ngritur gjithmonë fushatën mbi emocione negative, dhe tani hera e parë që nuk kemi asnjë jetë të humbur…”, tha ajo, duke shtuar: “Berisha nuk po e mban dot më protagonizmin”.
Gjatë fjalës së tij analisti Skënder Minxhozi ndalur tek kontrata e PD, u shpreh: “Historia e 6 milionëve shënon edhe trendin rënës të fushatës. 11 maji nuk po ndodh ashtu siç ai parashikonte. Parashikonte një heqje eventuale të non gratas. Berisha siç shihet është përpjekur t’i blejë me shumë milionë dollarë, rënia e teoremës së amerikanëve, mendoj që ka definuar të gjithë fushatën e PD”.
