Për kreun e LIBRA-s Ben Blushi, gjetja e marrëveshjes mes protestuesve të Zharrëzës dhe qeverisë u bë me paratë e shqiptarëve, për shkak se kjo qeveri e ka ë pamundur që paratë e dëmshpërblimit ti marrë nga ai që ka dëmtuar qytetarët. Kjo sipas Blushit ka për arsye faktin se Bankers ka arritur që të përcaktojë politikën e qeverisë shqiptare.
“Nuk besoj se në zharrëz nuk do të ketë më mbytje, e lëkundje tërmeti artificial, përsa kohë, qeveria do të vazhdojë të mbrojë bankersin, të mbrojë pra të dëmtuesin përpara të dëmtuarit, Zharrëza nuk do të gjejë qetësi.
Qeveria do të duhej të detyronte bankersin që të paguante një për një ata njerëz atje. Po çfarë ndodhi. U ble frika ndaj Bankersit dhe Zharrëzës me taksat e qytetarëve. Me taksat tona, qeveria bleu frikën e Zharrëzës. Pse duhet të pagojë taksa kur duhet të detyronte Bankersin të dëmshpërblente qytetarët e Zharrëzës.
Kjo tregon sesa e paaaftë dhe e korruptuar është kjo qeveri e cila ka marrë më shumë ryshfete sesa kushdo. Por pavarësisht nga kjo, unë mendoj se banorët e Zharrëzës i meritojnë taksat tona plotësisht. Sakrifica e tyre meriton të vlerësohet sepse është një shembull për tu ndjekur.
Shpresoj që pas kësaj dite qeveritë të mbrojnë më ndotësit. Bankersi përcakton politikat e qeverisë dhe nëse kjo vazhdon, Zharrëza do të përsëritet prap.“-tha Blushi.
I menjëhershëm ishte reagimi i MInsitrit të Energjisë Damian Gjiknrui. Ai ironizoi me Blushin kur tha “se problemi nuk zgjidhet me poezi”. Gjiknuri deklaroi se qeveria ka marrë masat dhe po kryhen studime në lidhje me fenomenin e tërmeteve me ekspertizë të huaj.
“Sapo dëgjuam poezinë e Zharrzës me probleme prej vitesh. Na dole një delirant për problemet popullore të Zharrëzës. Të paktën disa të vërteta duhen thënë. Problemi i Zharrëzës është shumë më i thellë. Problemi i Zharrëzës ka filluar 10 vite më parë. Kur njerëzit protestonin, rriheshin nga policia, madje deputetët tanë janë tërhqur zvarrë kur kanë protestuar bashkë me banorët. Një qeveri që e mori seriozisht këtë problem në 2013-ën.
Ky është problem shkencor, jo fenomen poezie si e bëni ju. Për shkak të presionit tonë, duke monitoruar Bankersin, u morën sizmiografë për të monitoruar situatën. Sa i takon injektimeve, është një proces normal që s’ka asgjë për tu habitur, se po mendoni se mos ndodhin shpërthime. Është ujë teknologjik që injektohet për nxjerrjen e naftës. Qeveria nuk ndenji daurkryq, pengoi injektimin e ujit që edhe kjo ka një faturë, janë 20 mln dollarë. Por kjo u bë për të parandaluar dëmet.
Fenomeni i aktivitetit hidrokarbur me tërmetet kërkon kohë për t’u studiuar. Jemi në pritje të verifikimit nëse ka lidhje shkak-pasojë. Kemi marrë ekspertizë ndërkombëtare për të investiguar në lidhje me fonomenin. Nëse del në mënyrë shteruese edhe pse beosjmë që mund të ketë ldihje, patjetër që do marrim masat konkrete.”, deklaroi Gjiknuri.
