Në dekadat e fundit, presidentët francezë janë përfshirë disa herë në histori rozë apo skandale seksuale. Rasti i fundit është ai i Jacques Chirac, një libër biografik i të cilit tregon se si ish-shefi i Elizesë ftonte në avionin presidencial gra e vajza, për të përmbushur kënaqësitë e tij.
Libri titullohet “President, nata ra” dhe është një rrëfim i Daniel le Conte, bashkëpunëtor prej 40-vjetësh i Jacques Chirac-ut. Gratë që hynin në jetën e tij ishin të shumta. Ai ftonte të parën që i dilte përpara për një bisedë intime, mbërriti një moment që sasia prevalonte mbi cilësinë, thotë ndihmësi i ish-presidentit.
Chirac frekuentonte rregullisht një garsoniere në Paris, në të njëjtën ndërtesë me selinë e partisë që themeloi ai vetë, Unioni për Republikën, ku me siguri shoqërohej me ndonjë nga vajzat e stafit të tij. Ato arrinin të thyenin kontrollin e sigurisë, të hynin në zyrën e tij, madje mbanin radhë për të pritur lakuriq presidentin në avionin presidencial. Me siguri natën që pësoi aksident Lady Diana, në Paris, Chirac do ketë qenë me dashnoren e radhës, vijon rrëfimi.
Jacques Chirac nuk është i vetmi president francez që përfshihet në një skandal seksual. Ish-presidenti François Hollande dilte fshehurazi nga Elizeja, i maskuar në një motocikletë, për të takuar dashnoren e tij, aktoren Julie Gayet. Skandali “Scootergate”, i kushtoi martesën me shkrimtaren Valerie Treveiller ish-presidentit Hollande. /b.d
