Një nga problemet më të mëdha të qytetin e Gjirokastrës, ai i furnizimit me ujë të pijshëm, ka marrë fund.
“Problemi i ujësjellësit ka qenë më skandalozi dhe që ka prekur popullatën dhe është bërë e patolerueshme në kuadër të ardhjes së turistëve. Për Gjirokastrën është bërë pjesa e parë, që është mbaruar në 60% dhe furnizon një pjesë të qytetit. Këto dy muaj fillon faza e dytë, 40% tjetër që do të furnizojë 24 orë me ujë. Mbyllet përfundimisht problemi i furnizimit me ujë të qytetit të Gjirokastrës”, – tha Artan Shkreli, zv/ministri i Infrastrukturës dhe Energjisë.
Më tej, Shkreli ndau me pika të gjitha linjat e ujësjellësve në të gjitha zonat e qarkut të Gjirokastrës.
“Ujësjellësi i jashtëm i Dropullit nga burimi i Manzifës është kryer faza e parë deri në Jorgurcat. Tani do të fillojë edhe faza e dytë. Në Memaliaj kemi ndërtimin e linjës me furnizim me ujë nga depot e Tepelenës për qytetin e Memaliajt. Ka përfunduar rikonstruksioni ujësjellës Memaliaj me rrjet shpërndarës fillon tani, këtë vit.
Rikonstruksioni i ujësjellësit të fshatit Koshtan është realizuar. Ndërtimi i ujësjellësit me vetërrjedhje në Bensh, Beliqovë, komunë qendër Tepelenë është realizuar. Ndërtimi i ujësjellësit të fshatit Salari (qendër Tepelenë) realizuar. Masa inxhinerike për mbrojtjen e ujësjellësit të Bënçës është realizuar. Në bashkinë Përmet kemi rehabilitimin e rrjetit të ujësjellësit. Brenda vitit bëhet 24 orë me ujë qyteti i Përmetit. Në Tepelenë, ndërtimi i linjave të shpërndarjes fillon brenda qershorit. Në bashkinë Memaliaj, rikonstruksioni i rrjetit të ujësjellësit me rrjetin shpërndarës fillon brenda qershorit. Bashkia Këlcyrë, rikonstruksioni i rrjetit të brendshëm të rrjetit Këlcyrë, faza e parë fillon pas një jave”, – përfundoi ai.
a.ç
