Të apasionuarit e dritave veriore që shikonin qiellin e Alaskës herët të shtunën u mahnitën nga shfaqja e një spiralje blu të lehtë të ngjashme me galaktikën në mes të aurorës. U shpjegua se arsyeja e spirales ishte karburanti i tepërt i lëshuar nga një raketë SpaceX e lëshuar nga Kalifornia.
Fizikani hapësinor Don Hampton tha se ndonjëherë raketat kanë karburant që duhet të hidhet dhe kjo është arsyeja e fenomenit që u vu re me sy të lirë mbi Alaskë.
“Kur e bëjnë këtë në lartësi të mëdha, ky karburant shndërrohet në akull. Nëse është në rrezet e diellit, është e mundur ta shohim atë si një lloj reje të madhe ose vorbull. Megjithëse nuk është një pamje e zakonshme. Mund t’ju them se të tilla incidente kam parë rreth tre herë.”, u shpreh Hampton.
Pamja e vorbullës u kap me kalimin e kohës në kamerën e gjithë qiellit të Institutit të Gjeofizikës dhe u bë virale në mediat sociale. Fotografët që shikonin shfaqjen e dritave veriore postuan gjithashtu foto të vorbullës në rrjetet sociale.
SpaceXraketa u ngrit nga porti hapësinor Vandenberg në Kaliforni të premten mbrëma, së bashku me rreth 25 satelitë.
/a.r
