Partia Socialste ka mbledhur asamblenë në qytetin e Gramshit dhe ka zgjedhur kryetarin e ri, Enis Zani.
Në këtë asamble mori pjesë edhe kryetari i grupit parlamentar të Partisë Socialiste, Taulant Balla.
Në fjalën e tij në asamble, Balla u shpreh optimist se Këshilli Europian të fund-Marsit do të korrigjojë gabimin e Tetorit.
‘’Pozicioni i vendeve anëtare divergjon mbi shpejtësinë dhe axhendën e procesit. Miratimi dhe shpallja më 5 Shkurt e Metodologjisë së re për Zgjerimin, është një mundësi e mirë për të shuar divergjencat mes vendeve anëtare. Unë besoj se në Këshillin Europian të fund-Marsit, BE do të korrigjojë gabimin e Tetorit“, deklaroi Taulant Balla.
Kreu i grupit parlamentar socialist nënvizoi vijimin e organizimit të strukturave vendore të partisë për të fituar mandatin e tretë qeverisës me Edi Ramën Kryeministër.
Brenda janarit do përmbyllet procesi me zgjedhjen e kryetarëve të partisë i cili do të vijojë më pas me Kongresin zgjedhor që do të zhvillohet më 29 Shkurt 2020.
g.kosovari
