Presidenti Meta ka pritur në takim Ambasadoren e Delegacionit të BE-së në Tiranë, Romana Vlahutin, e cila i dorëzoi Metës strategjinë e re të Komisionit Evropian, “Një perspektivë e besueshme zgjerimi dhe një angazhim i thelluar i BE-së në Ballkanin Perëndimor”, si dhe Planin e Veprimin në mbështetje të transformimit të Ballkanit Perëndimor.
Meta vlerësoi synimin për të pasur një angazhim gjithnjë e më të madh si nga vendet e rajonit ashtu edhe nga Bashkimi Evropian në proceset transformuese drejt anëtarësimit të plotë të të gjitha vendeve të Ballkanit Perëndimor në BE.
Presidenti Ilir Meta nënvizoi se Strategjia e re e Komisionit Evropian është një dokument që duhet të lexohen me vëmendje nga faktorët politikë shqiptarë për t’u pasqyruar në përpjekjet dhe angazhimet e tyre drejt synimit të përbashkët të integrimit të plotë të Shqipërisë në BE.
a.ç
