“Franca nuk po vë në dyshim perspektivën e anëtarësimit në BE të Ballkanit Perëndimor, por dëshiron të jetë e sigurt për kushtet për fillimin e bisedimeve të anëtarësimit që janë përmbushur dhe se vetë procesi dëshmon të jetë i dobishëm, me rezultate të mira të dukshme në terren sa më shpejt”. Kështu deklaroi Sekretarja e Shtetit francez për Europiane, Amelie de Montchalin, tha gjatë një vizite në Zagreb.
Sa i përket rrezikut të ndikimit të vendeve të huaja në rajon nga mungesa e hapjes së negociatave, ajo tha se Evropa duhet të punojë në sovranitetin e saj, i cili nuk kishte të bënte vetëm me fuqinë ushtarake, por edhe për kapacitetin e investimeve dhe instalimin e infrastrukturës së vet me kompanitë evropiane.
“Sovraniteti gjithashtu do të thotë të jesh në gjendje të veprojmë së bashku. Ndikimet e huaja ndodhin gjatë gjithë kohës, përfshirë tani. Dhe ato gjithashtu ndodhin në vendet e BE-së dhe procesi i zgjerimit nuk do të ndalojë ato ndikime, ato nuk do të zhduken”, tha Montchalin, duke hedhur poshtë kritikat se dështimi për të filluar bisedime me dy vendet ishte një gabim që Evropa mund të paguante shtrenjtë sepse do të rezultonte në një rritje të ndikimit të fuqive globale si Rusia, Kina dhe Turqia.
Ajo gjithashtu tha se fakti që Maqedonisë së Veriut dhe Shqipërisë nuk iu dha drita jeshile për të filluar bisedimet e hyrjes në BE nuk do të rrezikojnë sigurinë evropiane. Që nga fillimi i mandatit të tij, ta në fund ajo, Presidenti Francez Emmanuel Macron nuk e ka fshehur qëndrimin e tij se Evropa nuk është e gatshme për një raund tjetër të zgjerimit dhe se së pari duhet të reformojë institucionet e saj dhe pastaj të reformojë rrënjësisht procesin e negociatave. /e.s/
