Kryebashkiaku i Tiranës Erjon Veliaj ishte sot i pranishëm në mbledhjen e Këshillit.
Opozita bojkotoi mbledhjen pasi akuzoi mazhorancën se po shkel rëndë kushtetutën me projektin për teatrin.
Ndërkohë, në fjalën e mbajtur kryebashkiaku Veliaj sfidoi hapur opozitën duke thumbuar edhe disa prej emrave që kanë qarkulluar në media si kandidatë të mundshëm për bashkinë vitin e ardhshëm.
“Të vijë kush të dojë, Dashi, Jorida, Pollo, Paloka, Luli, Muli. Pyetja eshte ca do thonë mo vlla se kur e kishin 4 vjet fjetën gjumë tani do jenë superaktive, edhe ai 10 % i Tiranes do thotë shume mirë që do dilni kundër lalit, por ca keni bërë këto 4 vjet, se fjetët gjumë edhe në opozitë, ca pune doni, ca ka një pemë që ju do mbillni? Asnjë pemë s’ka mbjellë një parti në opozitë. Në këtë seancë ndihem keq për ta. Mos u habisni po të fillojnë prape cadrat, gjërat se do jemi në prag zgjedhjesh mos u habisni po të jemi në një situatë destruktive”, tha Veliaj në mbledhjen e Këshillit Bashkiak./a.m.
