Vijon kontestimi për fituesin e rektorit të mjekësisë, profesor Arben Gjata. Petrit Bara kandidati për këtë post, pas marrjes dje në mesditë të rezultatit zyrtar nga Komisioni Institucional Zgjedhor që e rendiste të dytin me një diferencë me 6 vota nga fituesi, sërish ka dorëzuar pranë këtij institucioni një tjetër ankimim.
Ankimimi i dytë sipas profesor Petrit Bares ka të bëjë me mospjesëmarrjen në votim të dy filialeve të universiteteve të mjekësisë atij të Kukësit dhe të Sarandës. Bara bën me dije se dy filialet kanë rreth 280 studentë të cilët nuk kanë votuar.
Ndaj bazuar në këtë argument Bara pretendon se mohimi i të drejtës kushtetuese për të votuar studentëve mund të sjellë ndryshimin e rezultatit. Por ky ankimim i dytë nuk u pranua nga komisioni duke i drejtuar përfaqësuesit ligjorë të ankimojnë brenda 5 ditësh në komisionin e apelit për këto pretendime. Edhe ankimimi i parë i tij që kërkonte rinumërim të votave dhe rivlerësimin të 8 votave të pavlefshme u rrëzua nga komisioni.
