Në zgjedhjet e përgjithshme në Italia deri në orën 19:00 kanë votuar 51,16% e atyre që kanë të drejtë vote. Krahasuar me zgjedhjet e 2018-s, ka një pjesëmarrje më të ulët (-7.26%) pasi atëherë kishin shkuar në votime 59,25%.
Ndër risitë e votimit të sotëm në Italia është edhe “kuponi kundër mashtrimit” në fletët e votimit, i cili ka ngadalësuar pak procesin e votimit. Në momentin që votuesit dalin nga kabina, karta nuk futet menjëherë në kuti, por i dorëzohet kryetarit të komisionit të votimit, i cili fillimisht duhet të heqë kuponin.
Është një kod që identifikon fletën e votimit: kryetari i qendrës së votimit e mban shënim përpara se t’ia dorëzojë zgjedhësit dhe më pas, përpara se fleta të përfundojë në kutinë e votimit, kontrollon që ajo përputhet. Për të shmangur shkëmbimin e votës, e cila shpesh ushqehet me formularë “të jashtëm” të plotësuar tashmë. Kuponi, pas kontrollit, shkëputet për të respektuar fshehtësinë e votës. Një seri hapash që kërkojnë pak më shumë kohë.
Partia e Giorgia Melonit nuk ka përvojë në qeverisje, kështu që ajo do të ketë nevojë për mbështetje të plotë nga ish-kryeministri Silvio Berlusconi dhe Matteo Salvini, të cilët ishin të dy pjesë e qeverisë së Dragit. Me mbylljen e fushatës zgjedhore, të tre liderët zhvilluan një tubim të përbashkët në Romë.
Megjithëse ai ishte kryeministri më jetëgjatë i Italisë, Berlusconi, 85 vjeç, kandidon për zgjedhje në Senat për herë të parë që kur u ndalua në vitin 2013 për mashtrim tatimor. Forza Italia e tij e qendrës së djathtë shihet si më e dobëta nga tre partitë. Liga e Matteo Salvinit është një partner natyral i Melonit. Si ministër i brendshëm, ai mbylli kampet e emigrantëve dhe bllokoi anijet e OJQ-ve që transportonin emigrantët e shpëtuar nga Mesdheu të hynin në port.
Ata po premtojnë të ulin taksën e shitjes për energjinë dhe artikujt e tjerë thelbësorë dhe të vendosin një taksë të sheshtë për të vetëpunësuarit, ndoshta të vendosur në 23%, që kritikët thonë se do t’u jepte më shumë të pasurve sesa të varfërve.
Ata duan t’i japin fund ndalimit të Italisë për energjinë bërthamore. Ka plane për të mbështetur normën e lindjeve në Itali me shtimin e shtesave për familjet. Dhe ata synojnë të luftojnë imigracionin e parregullt dhe të menaxhojnë imigracionin legal në mënyrë të rregullt.
