Zëdhënësja e grupit parlamentar të PD, deputetja Orjola Pampuri, mbajti këtë të enjte një konferencë për media, ku ftoi të gjithë anëtarët e Partisë Demokratiketë marrin pjesë në zgjedhjet për kryetarin e ri të kësaj force politike që pritet të mbahen të hënën.
Pampuri tha se pas zgjedhjeve të së shtunës PD do të konsolidohet dhe se do të nis rrugë për një opozitë të fortë, në mënyrë që demokratëve t’u kthehet shpresa.
Shqiptarët nga nesër meritojnë një Parti Demokratike të konsoliduar, të organizuar, një parti demokratike, lidershipi i së cilës të jetë në partneritet të ngushtë me ShBA, Bashkimin Europian dhe Britaninë e Madhe.
Është e qartë se shqiptarët janë të lodhur me skena e debate, retorike të përsëritur politike, të cilat i interesojnë vetëm një njeriu: Edi Rames.
Ftoj çdo anëtar të Partisë Demokratike, që ti drejtohet nesër kutive të votimit për të finalizuar procesin e zgjedhjes së kryetarit të PD. E bashke me të nisjen e procesit të ringritjes së Partisë Demokratike.
Së bashku do ta bëjmë Partinë Demokratike, alternativën më të mirë, dhe do të rikthejmë shpresën tek demokratët dhe mbarë shqiptarët”, tha Pampuri.
/f.stafa
