Zgjedhjet në UT/ Rama: Nuk mbështesim asnjë kandidat, s’ka më pazare mbi arsimin

Kryeministri Edi Rama i është referuar debateve të fundit për zgjedhjet e drejtuesëve të Universiteteve të Tiranës, duke u shprehur me bindje se, as qeveria apo PS, nuk kanë bërë asnjë lloj ndërhyrje në këto zgjedhje për të cënuar procesin. Kryeministri Rama shtoi se historia e pazareve mes qeverisë dhe drejtuesëve të universiteteve ka mbaruar.

“Ne kemi bërë reformë dhe sic cdo reformë ka patur dhe kondensatorë! Rregullorja e zgjedhjeve është hartuar si asnjëherë më parë, në konsultim me të gjithë dhe është produkt i një marëdhënie të re mes Ministrisë së Arsimit dhe botës akademike. Së dyti, si asnjëherë më parë, ankimimet kanë qenë zero, dhe procesi sipas të gjitha informacioneve ka ecur normalisht. Sia asnjëherë më parë qeveria dhe PS nuk kanë ndërhyrë në asnjë moment dhe nuk kanë vënë gishtin për të drejtuar votën, për ta orientuar apo për të influencuar votën mbi një kandidat.

Nuk ka kandidat të PS në asnjë nga garat që zhvillohen në të gjithë ruzullin e botës universitare në Shqipëri. Janë kandidatë të universitetit, që përfaqësojnë vetveten dhe të gjithë janë të barabartë në këndvështrimin tonë. I takon atyre që zgjedhin që të bëjnë zgjidhjen e tyre, duke patur parasysh se nuk po zgjedhin një parti, një deputet, një kryetar bashkie, por po zgjedhin personat që do të cojnë përpara reformën, duke i dhënë cilësi autonomisë universitare. Nuk ka më një Pazar, pas të cilit janë bërë gjithfarë lloj historish! Autonomia fillon nga zgjedhjet.”- tha Rama.

Gjatë përurimit të pjesës së re të korpusit qendror të Universitetit Politeknik të Tiranës, ministria e Arsimit Lindita Nikolla vlerësoi foli edhe për rastin e kërcënimit të kandidatit për rektor në UT, Mynyr Koni.

“Kam marrë shumë telefonata se pse Edi Rama, unë dhe PS po i lëmë zgjedhjet në rrjedhën e tyre të lirë, pse qeveria nuk ndërhyri për të zëvendësuar rektorët. Ne nuk ndërhymë se jemi të vendosur ta largojmë politikën nga arsimi. Kjo është gara më model që do të impaktojë nesër edhe shoqërinë shqiptare. Qeveria kritikohet se nuk ndërhyri në zgjedhjet universitare, nuk pati asnjë ndryshim të rregullores, ka zero ankimime apo parregullsi, por ne nuk bëjmë sikur nuk pamë e dëgjuam, sikur nuk komunikojmë me çdo problematikë. Vetëm 3 ditë më parë një ngjarje e shëmtuar u bë fakt në komunikimin tonë. Falë ndërhyrjes së qeverisë shqiptare, ministrisë së Brendshme, drejtësia po vendos për ata që guxuan të cënonin autoritetet e sistemit arsimor. Detyra jonë është të vijojmë garën që do finalizohet me zgjedhje të ndershme nesër. Përmbylleni këtë garë model me sukses. Kjo është gara e parë ku qeveria dhe politika nuk ndërhyri”.- tha Nikolla.