Nga rezultatet paraprake të zgjedhjeve parlamentare, Partia e Presidentit turk, Rexhep Taip Erdogan kryeson e para me 53.2% të votave. Në vendin e dytë renditet partia CHP me 20.7 % ndërsa në të tretën renditen pro kurdët (HDP) me 10%.
Turqia votoi sot në zgjedhjet parlamentare, për herë të dytë në pesë muaj. Partia për Drejtësi dhe Zhvillim, e themeluar nga presidenti Erdogan, ka dështuar të sigurojë shumicën në zgjedhjet e qershorit, ndërsa përpjekjet për të formuar koalicion qeveritar kanë qenë të pasuksesshme.
Siguria ishte çështje kyçe në këto zgjedhje, sidomos pas dhunës së javëve të fundit midis forcave turke dhe militantëve kurdë. Erdogan ka premtuar rikthimin e stabilitetit nëse partia e tij fiton zgjedhjet. Erdogan po ashtu ka thënë se do të respektojë rezultatin zgjedhor.
