Demokratët do të mbajnë kontrollin e shumicës së Senatit të SHBA-së, pasi fituan një garë të rëndësishme në shtetin e Nevadës. Senatorja Catherine Cortez Masto parashikohet të mposhtë sfiduesin republikan Adam Laxalt, i cili u mbështet nga ish-presidenti Donald Trump.
Presidenti i SHBA, Joe Biden tha se ishte tepër i kënaqur nga rezultati.
Demokratët do të kenë tani 50 vende në Senat, kurse republikanët aktualisht me 49.
Republikanët ende mund të marrin kontrollin e Dhomës së Përfaqësuesve të SHBA-së pasi votat vazhdojnë të numërohen nga një pjesë e vogël e zonave pas zgjedhjeve të së martës.
Rezultati është një goditje e madhe për republikanët, të cilët shpresonin për një “valë të kuqe”, një përplasje elektorale që do të sillte kritika të ashpra ndaj presidentit Biden dhe demokratëve të tij.
