Kryeministri Edi Rama komentoi në rrjetin social ‘Facebook’ zgjedhjet që po zhvillohen në 4 qarqet të vendit për delegatët ne Kongresin e Partisë Socialiste.
“Mirënjohje socialistëve që me gjithë shiun, po votojnë në masë delegatët e Kongresit në qarqet Fier, Elbasan, Korçë dhe Berat”, shkruan Kryeministri Rama në postimin e tij .
34 mijë anëtarë të Partisë Socialiste në qarqet Elbasan, Fier, Korçë dhe Berat janë ftuar këtë të shtunë në procesin e votimit të delegatëve të kongresit të 19 marsit.
Nga procesi zgjedhor i kësaj të shtune do të dalin në total 336 delegatët e parë sipas parimit “Një anëtar, një votë”. Në të katër qarqet konkurrojnë 1 mijë kandidatë të propozuar nga anëtarësia e partisë.
