Sekretari për Marrëdhëniet me Mediat në PS, Alfred Peza, ka deklaruar se procesi i votimit brenda partisë do të vazhdojë edhe pas orës 16:00. Në një deklaratë për mediat Peza u shpreh se rezultatet për zgjedhjet do të publikohen mbrëmjen e sotme.
“Nuk ka pasur asnjë njoftim për ndonjë incident. Procesi ka shkuar në mënyrë të qetë dhe të gjithë socialistët i janë drejtuar kutive të votimit për të zgjedhur delegatët. Ka pasur një pjesëmarrje masive të grave dhe vajzave në votime. Pas disa orësh do të dalin rezultatet dhe në orët e mbrëmjes do të kemi rezultatin përfundimtar zyrtar. Qendrat e votimit do qëndrojnë të hapura edhe pas orës 16 që edhe anëtari më i fundit të ushtrojë të drejtën e tij për të zgjedhur”, tha Peza. /e.s/
