Kongresi i Partisë Socialiste pritet të mbahet më datë 19 mars. Kjo e bë e ditur nga deputeti socialist Taulant Balla pas një takimi që u zhvillua në selinë rozë me pjesëmarrjen e koordinatorëve dhe kryetarit Edi Rama.
Në fund të mbledhjes që zgjati rreth 60 minuta, Balla tha se është përmbyllur procesi i zgjedhjeve në 90 % të organizatave në shkallë vendi dhe brenda muajit shkurt pritet të përfundojë zgjedhja e kryetarëve të rinj të PS-së nëpër rrethe.
Balla tha më tej se suksese i procesit të deritanishëm është rritja e numrit të anëtërëve në çdo organizatë.
“PS prej muajsh është në një proces ristrukturimi dhe zgjedhor brenda saj. Prej datës 1 shtator në gjithë strukturën organizative të PS kemi filluar një proces që ka një rritje spektakolare të numrit të anëtarësisë. Ne ndamë sot me njëri-tjetrin të dhëna të hedhura në sistem ku rezulton rritej e anëtarësisë në çdo organizatë.
Kemi bërë ristrukturim tërësor të përmbajtjes së organizatave dhe organizimit partiak. Kemi filluar gjithçka nga zero në disa organizata. Kemi si parim rritjen e numrit të anëtarësisë, dhe përfaqësimin gjinor. Synojmë rritje deri në 30 % të anëtarësisë në përbërje gjinore, dhe 25% rritje të anëtarësimeve të moshës 18-25 vjeç. Çdo anëtar i PS ka një kontakt online me njësinë rajonale të PS ku merr informacion për çështje programore të partisë. Në 90 % të territorit ët vendit PS ka përmbyllur zgjedhjet për kryetarët e organizatave socialiste, që janë qeliza bazë organizative e Partisë”, tha Balla.
