Bjellorusët filluan të votojnë sot për zgjedhjet presidenciale, në përfundim të të cilave autoritari, Alexandre Lukashenko është i sigurt se do të sigurojë një mandat të pestë duke zgjatur kështu 21 vitet e tij në krye të vendit ndërkohë që evropianët parashikojnë heqjen e sanksioneve kundër tij.
Cilësuar si diktatori i fundit në Evropë nga Uashingtoni, Alexandre Lukashenko, 61 vjeç, përballet me tre kandidatë, pothuajse të panjohur, gjatë këtyre zgjedhjeve presidenciale bojkotuar nga opozita dhe shënuar nga dekurajimi i zgjedhësve.
“Pjesëmarrja në orët e para të mëngjesit, arriti në 36 për qind”, sipas Komisionit Zgjedhor.
Presidenti dëshiron një pjesëmarrje të lartë me qëllim që zgjedhjet të njihen nga perëndimorët.
Nëse rezultati i votimit i lë sadopak vend pasigurisë, reagimi i Bashkimit Evropian është shumë i pritshëm, 28 vendet parashikojnë heqjen e saksioneve që kanë goditur që prej vitit 2011 presidentin bjellorus në shenjë proteste kundër shtypjes së dhunshme që pasoi rizgjedhjen e tij në vitin 2010.
