Votimet në Maqedoni nuk e kanë ndryshuar drejtimin e vendit që i mbetet sërish Nikola Gruevskit dhe partisë së tij, e cila mori 51 deputetë, dy më shumë se LSDM-ja e Zoran Zaevit. Sakaq, edhe në kampin shqiptar e para ka dalë BDI e Ali Ahmetit me 8 mandate. Por kalkulimet e bëjnë të vështirë formimin e një qeverie mes tyre.
Por ndryshimi i madh është BESA që ka arritur të marrë 5 mandate, e konfirmuar kështu si forca e dytë shqiptare, e dhe pse ka vetëm 2 vjet në skenën politike. Shqiptarët kanë fituar gjithsej 20 mandate, dhe në zëra të përgjithshëm kjo është humbje për ta, pasi ky tregues përbërn zvogëlim të pranisë së tyre në parlamentin maqedonas.
Partitë shqiptare në Maqedoni, do të kenë gjithsej 18 deputetë, mëson Gazeta Express. Ky është numër jashtëzakonisht i vogël dhe i bie që partitë shqiptare do të kenë 11 ulëse më pak në Kuvendin e ardhshëm të Maqedonisë.
BDI e Ahli Ahmetit ka fituar 8 ulëse. Lëvizja Besa ka arritur të marrë 5 vende në Kuvendin e Maqedonisë. Kjo ka bërë që në rrjete sociale të shpërthejnë dhe akuzat për tradhëti, pas një votë e madhe shqiptare i është dhënë opozitës maqedonase.
Ndërsa si ilustrim i kësaj “tradhëtie” mbetet Haraçina e cila ka votuar LSDM-në, ama të përfaqsuar nga deputet shqiptar, siç është Muhamed Zekiri. Por po ashtu, partisë së Zaevit i është dhënë vota dhe në Tanushë, fshatin simbol të rezistencës së armatosur në 2000-2001, prej së cilës lindi më pas UÇK-ja.
Ndërkohë, e veçantë tjetër e këtyre zgjedhjeve ishte kalimi i PDSH-së Menduh Thaçit, partisë historikë të themeluar e drejtuar shumë vite nga Arbër Xhaferi, si parti e katërt në radhët e atyre shqiptare. Ajo ka marrë 2 deputetë, ndërsa Aleanca Për Shqiptarët u rendit e treta me 3 deputetë.
Tashmë mbetet të shihet se si do shkojnë negociatat për formimin e qeverisë së re, pasi fituesit nuk i kanë votat e duhura. Dhe me gjasë, vendi do shkojë sërish në zgjedhje vitin e ardhshëm. (b.an)
