Kryetarja e Lëvizjes për Ndryshim foli mbrëmjen e së premtes për situatën politike në vend si dhe ndryshimin e qeverisjes në Kosovë.
Për ‘Java në RTSH’, Jozefina Topalli deklaroi se gjysma tjetër e kombit u dha partive të vjetra shansin për t’u reformuar, apo për t’u zhdukur nga skena politike.
“Ne kemi një shembull shumë të freskët. Ajo që ndodhi në Kosovë është e rëndësishme, gjysma e kombit tonë me kurajo dhe ndërgjegje të lartë shoqerore ka votuar kundër kastës së vjetër të politikës. Në një farë mënyre u kanë dhënë shans forcave të vjetra ose të reformohen, ose të zhduken” – tha Topalli për ‘Java në RTSH’.
Lidhur me aktualitetin në Shqipëri, ish-kryeparlamentarja u shpreh se vendi ndodhet në një situatë të paprecedentë në 3 dekadat e fundit.
“Asnjëherë në tre dekada eksperiencë s’kam pasur një zhgënjim kaq të madh ndaj tre forcave kryesore politike. Dhe asnjëherë s’kam hasur një situatë ku nuk votohet, nuk numërohet vota, nuk ka garë brenda partive dhe nuk ka debate. Unë s’kam thënë ndonjëherë se do të marrim 71 mandate. Por unë mendoj se një pejsë e madhe e shqiptarëve janë të zhgenjyer nga partitë kryesore” – tha Topalli ne panelin me analistët Preç Zogaj dhe Lorenc Vangjeli.
g.kosovari
