Bashkim Fino ka folur sërish për skandalin e 12 Ahoqatave fantazmë të cilët nuk janë të rregjistruara në Gjykatë. Ne “Report TV”, Fino u shpreh se këto Shoqata të mos afrohen më datë 7 shkurt të votuar, ndërsa shtoi se kanë kërkuar përmes klubit të Flamurtarit që këto Shoqata të kthehen mbrpasht.
“Shoqatat nuk kanë një numër llogarie, ose një mandat arkëtimi për aktivitetin që kanë kryer. Ata thanë se shoqatave i kemi dhënë topa dhe bluze, por ato me çfarë janë bërë? Më vjen keq që kjo situatë ka shkuar kështu. Po ju drejtohem shoqatave fantazmë, që të mos guxojnë të afrohen në Durrës ku kryhen zgjedhjet e FSHF-së. Nëpërmjet Flamurtarit, në i kemi kërkuar Federatës që këto shoqata të kthehen mbrapsht. Gjithashtu i kemi kërkuar gjithë dokumentacion e këtyre shoqatave dhe presim që Prokuroria të reagojë në lidhje falsifikimin që është bërë me to.
Nëse ato vijnë në garë, atëherë janë kundër ligjit. Ka konflikt më të pastër interesi, që edhe është zëdhënës por drejton një emision sportiv? Nuk mund të jesh dot është të jesh në krye të shoqatës dhe i punësuar nga Armando Duka. Nuk është e ndershme që gara të fillojë 12-0. Tashmë po kërkohen 4 shoqata, por sipas ligjit ato nuk mund të votojnë gjithsesi në këto zgjedhje për FSHF.
Ne po e ndjekim situatën e qetë dhe po pres reagimin nga Federata. Ajo që kërkojmë është një garë të pastër dhe të ndershme. Nuk do të më jepet e drejta e votës në datën 7 shkurt, ndryshe nga Armando Duka që ka të drejtën e fjalës përpara zgjedhjeve. Ai i bën këto pasi nuk është mësuar me kandidat”, deklaroi Fino.
