Një kërcënim i hapur në mesditë, kështu mund të cilësohet parlajmërimi i kreut të grupit parlamerntar të PD Edi Paloka, pas vizitës së tij në Dibër, në lidhje me zgjedhjet që do të mbahen për bashkinë më 11 shtator. “Kërcënimi” I shkon atyre të pakënaqurve në Dibër, që shprehën kundërshtitë e tyre drejt Bashës kur ky I fundit vendosi për shkarkimin e kryetarit të degës Rahim Kaleci.
Edi Paloka ka kërkuar nga të gjithë mbështetësit e opozitës në bazën e PD që të jenë në mbështetje të kandidatit Sherefedin Shehu, duke thënë në një deklaratë se mbledhja e zhvilluar ishte pikërisht për të koordinuar forcat dhe njerëzit.
“Sherefedin Shehu meriton gjithë vlerësimin e dibranëve dhe strukturave të PD, nderon PD dhe Dibrën. Përcarja e zgjedhjeve të fundit që ndikoi dhe solli humbjen e PD në dibër këtë herë nuk ka të njëjtat raporte mes strukturës së partisë… kush do të largohet apo ca më zi të rreshtohet te kundërshtarët do marrë përgjigjen si kundërshtar të PD-së”- tha ai.
“Zgjedhjet në Dibër i pezullova unë me vendim të kryesisë, do zhvillohen pas fitores së bashkisë, kjo fushatë do na shërbeje që të tregojnë se sa vlera ka secili dhe vlerat nuk ka kush ti tregojë më mirë se në fushatë”- tha Paloka./java/a.k
