Sali Berisha nuk ndalet në deklaratat e tij kërcënuese duke paralajmëruar përsëri se më 30 qershor, gjendja do tē jetë si në vitin 1997.
Ish kryeministri, i ftuar në Opinion ka folur për skenare dhune duke bërë thirrje për përplasje civile.
“Dy duart për një kokë janë, do të ketë përplasje civile”, shprehet Berisha.
Ndērkohë i pyetur nëse do të ketë djegie të qendrave të votimit, Berisha nuk e përjashtoi duke siguruar se skenari do përgatitet një javë para zgjedhjeve.
Berisha thotë se qëndrimet e tij janë të njëanshme, duke shtuar se Borchardt është i lidhur kokë e këmbë me Edi Ramën.
Berisha zbulon edhe një kërkesë për sekretarin e përgjithshëm të kësaj organizate.
“Tani ambasadori Borchardt ka ardhur në Shqipëri pas një letre që opozita i ka bërë sekretarit të përgjithshëm të OSBE që ka kundërshtuar emërimin e tij. Duke e konsideruar ambasadorin si një njeri të lidhur këmbë e kokë me Ramën, për këtë arsye e kemi bërë letrën. Mendoj se ambasadori i cili erdhi i takonte të dëshmonte paanësi, të dëshmonte paanësi në qëndrimet e tij në mënyrë që të fitonte dhe besimin e opozitës. Por po u jap një shembull, që një periudhë para një muaji ndodhi që në tre javë 7 gazetarë u agresuan. Njeriu i parë që duhet të reagonte është ambasadori Borchardt. Të mbronte gazetarët, OSBE ka një komisar të veçantë për mediat. Nuk shqipëroi një fjalë, më ka bërë përshtypje. U bë e neveritshme ajo. Tani e bëri ky për miqësinë që ka ndaj Ramës, por kjo nuk i bëri mirë për demokracinë. Ka një problem madhor, u bë një akt deklaratë dhe pas 10 minutash u hoq ajo dhe doli tjetër. Opozita ka të drejtë të dyshojë, ishte deklaratë e kryeministrit ajo”, theksoi Berisha në “Opinion”.
Ai shtoi se protesta tek shtëpia e ambasadorit nuk duhet të ishte bërë. E drejtë që të protestohet tek shtëpia e tij jo, tek zyra e tij po. Ne e kemi atë kodin për të huajt nuk duhet shkuar tek shtëpia e tij, edhe sikur të mos ishte ambasador. Por një shpjegim për deklarata duhet ta bënte. Kur dëgjova se i është kërcënuar jeta iu them të drejtën mendova se ishte dërguar mesazh. Por karta nuk janë kërcënim për jetën”, theksoi më tej ish kryeministri.
g.kosovari
