Analisti Skënder Minxhozi thotë se kreu i PD, Sali Berisha nuk zhvilloi negociata serioze dhe nuk pati ftesë bashkëpunimi për partitë e reja.
Në emisionin ‘Real Story” në ABC News, Minxhozi u shpreh se nëse partitë e reja marrin mandate, nuk do të jenë më të parëndësishëm.
“Ata paraqiten si opozitarë, kërkojnë të rrëzojnë Edi Ramën. Nuk kam parë një ushtrim serioz negociate, një ftesë, që të gjitha këto parti, ka shumë nivele bashkëpunimi në zgjedhje. Nuk e vë re fare këtë gjë. Nëse ata marrin vende në parlament, sa gishtat e një dore, nuk janë të parëndësishëm më. Nëse i marrin ,kthehen në një lloj faktori”, theksoi ai./abcnews.al
