Komisioni Qendror i Zgjedhjeve, në mbledhjen e ditës së sotme, vendosi regjistrimin e katër partive politike për zgjedhjet e 30 qershorit 2019.
Pas shqyrtimit të dokumentacionit , KQZ vendosi të regjistrojë “Partia Uniteti Kombëtar”, me kryetar Idajet Beqiri, si subjekt zgjedhor për organet e qeverisjes vendore, të datës 30 qershor 2019.
Po ashtu, KQZ vendosi të regjistrojë dhe tre parti të tjera si “Partia Socialiste e Moderuar”, me kryetar Gjergji Koja, “Partia Emigracioni Shqiptar”, me kryetar Kostaq Papa, si dhe “Partia Kombëtare Konservatore Albania”, me kryetar Kujtim Gjuzi, si subjekt zgjedhor për organet e qeverisjes vendore, të datës 30 qershor 2019.
Gjithashtu, KQZ vendosi të njoftojë këshillat bashkiakë për vazhdimin e procedurave për dhënien e mandatit kandidatëve të listave shumemërore, për plotësimin e vendeve vakante në këshillat bashkiakë si më poshtë: Qarku Vlorë, Bashkia Vlorë, znj. Marjeta Merkuri. Qarku Vlorë, Bashkia Sarandë, znj. Vojsava Mërtiri.
/a.rada
