Kryetari i PS Edi Rama gjatë një takimi që po zhvillohet me kandidatët e PS për deputet në zgjedhjet e 25 qershorit ka shpallur edhe objektivin e forcës politike që ai drejton që është sigurimi i 71 mandateve.
Ai me këtë rast ka zbardhur edhe marrëveshjen e PD, si dhe raportin me LSI. Lidhur me marrëveshjen me PD Rama ka arsyetur se kjo marrëveshje duhej të bëhen sepse e nëse do hyhej vetëm në zgjedhje nuk do të mund të sigurohej një qeverisje afatgjatë. “Zëvendësimet në qeveri do të zgjasin vetëm një muaj. Marrëveshja me PD gjëja më e mirë që ka bërë PS. Dialogu me opoziten do te vijoje edhe pas zgjedhjeve”, mësohet të jetë shprehur Rama. Sa i përket LSI-së, Rama ka sqaruar se që në tetor të vitit të kaluar i është lutur LSI-së për të sendërtuar koalicionin, por LSI nuk pranoi dhe vendosi të dalë e vetme në zgjedhjet e 25 qershorit
Ai u ka kërkuar të gjithë kandidatëve të nisin punën në terren. Bëhet e ditur gjithashtu se përveç 140 kandidatëve për deputet, i pranishëm është edhe i gjithë grupi parlamentar i PS, duke qenë se javën e ardhshme pritet të mblidhet parlamenti në një seancë të jashtëzakonshme për të miratuar disa ndryshime ligjore që do të bëjnë të mundur implementimin e marrëveshjes që u arrit para dy ditësh mes Ramës dhe Bashës.
ma.me/javanews.al
