Partia Demokratike i kërkon Komisionit Qendror të Zgjedhjeve që projekti pilot i votimit elektronik të bëhet në Fier dhe Korçë.
Sekretari i përgjithshëm i PD, Gazment Bardhi i ka dorëzuar ditën e djeshme kërkesën kreut të KQZ, Ilirjan Celibashi.
“Në përgjigje të shkresës suaj nr. 2646., datë 28.12.2020 mbi zbatimin e teknologjisë në zgjedhjet e 25 prillit 2021 për Kuvendin e Shqipërisë, ju bëjmë me dije se opinioni i PD është që projekti pilot për votimin dhe numërimin elektronik të realizohet në qarqet Fier dhe Korçë”, thuhet në kërkesën e PD.
Në fund të dhjetorit Komisioni Qendror i Zgjedhjeve i nisi një kërkesë partive politike në vend në lidhje me zbatimin e teknologjisë (votim dhe numërim elektronik) në zgjedhjet e 25 prillit 2021.
Institucioni i KQZ i beri me dije partive që të japin sugjerimet e tyre në lidhje me zonat ku dëshirojnë që të aplikohen projektet pilote në zgjedhje, para se KQZ të marrë vendimet përkatëse.
g.kosovari
