Ambasadorja Yuri Kim është takuar sot me drejtorin e Përgjithshëm të Policisë së Shtetit, Muhamet Rrumbullaku. Selia diplomatike në Tiranë thotë se Kim dhe Rrumbullaku kanë diskutuar për rritjen e bashkëpunimit në zbatimin e ligjit kundër rrjeteve kriminale.
Po ashtu, ambasadorja Kim ka theksuar rolin vendimtar të Policisë së Shtetit në sigurimin e një procesi të sigurt dhe të hapur në zgjedhjet e ardhshme, në përputhje me standardet ndërkombëtare dhe ligjin shqiptar.
“Ambasadorja Kim dhe Drejtori i Policisë së Shtetit Shqiptar Rrumbullaku diskutuan bashkëpunimin në rritje SHBA-Shqipëri në zbatimin e ligjit kundër rrjeteve kriminale, trafikut të drogës dhe kërcënimeve kibernetike.
Ambasadorja theksoi rolin vendimtar të Policisë së Shtetit në sigurimin e një procesi të sigurt dhe të hapur në zgjedhjet e ardhshme, në përputhje me standardet ndërkombëtare dhe ligjin shqiptar”, thuhet në njoftimin e Ambasadës së SHBA në Tiranë./m.j
