Kryetari i Partisë Socialiste Edi Rama nuk i ka kursyer ironitë ndaj opozitës, teksa fliste sot para të rinjtë të njësisë 1, 2 dhe 3 në Tiranë.
Rama e quajti qesharak premtim se ‘Shqipërinë do ta bëjnë madhështore’.
“Të ishin njerëz normal, një alternativë normale… por mund të jetë normale një alternativë që nuk ka turp të thotë ‘do bëjmë Shqipërinë madhështore’? Si do ta bëjnë?
Ç’a do bëjnë? Nuk kemi nevojë ta bëjmë madhështore, se dukemi shumë qesharakë kur e themi, imagjino t’ia thuash një të huaji këtë ‘do thotë ku është spitali më i afërt të marrë ndonjë qetësues’. Ne mund të themi që Shqipërinë do ta bëjmë pjesë të BE. Se vijojnë të jetë qesharakë se shkojnë në Peqin dhe thonë ‘do e bëjmë Peqinin madhështor’ e kështu me radhë”, tha kreu i PS.
