Vangjel Dule, kryetar i PBDNJ-së, dhe kandidat i koalicionit ‘Aleanca për Shqipërinë Madhështore’ në Qarkun e Vlorës tha se në zgjedhjet e 11 majit opozita do të ketë edhe suportin e eurodeputetit grek, Fredi Beleri.
Në emisionin “Ekspres”, në RTSH, Dule tha se kandidatura ime në qarkun e Vlorës është e natyrshme, sepse në shumicën e rasteve kam qenë në këtë qark, me përjashtime të radha si në fillimet që ka qenë në Gjirokastër, si dhe në 2021 si zgjidhje jo prej PBDNJ-së, por dhe të timen personale, u detyrova të kandidoja në Tiranës”.
“Vlora është zona më e natyrshme ku PBDNJ ka mbështetjen më të lartë dhe më të fuqishme, por në të njëjtën kohë ka dhe komunitetet dhe interesat që përfaqëson dhe është më afër tyre. Qarku i Vlorës ndoshta është zona me gjatësi më të madhe gjeografike ku ka komunitete të ndryshme të cilat janë afër PBDNJ-së”, tha Dule.
Në vijim ai thekson se “do të vazhdojmë të jemi shumë afër Himarës për të gjitha ato problematika të cila janë evidentuar, kemi dhënë beteja politike, nuk kanë marr zgjedhjen e tyre dhe duhet të marrin zgjedhje e duhur. Për këtë arsye ne do të jemi aty, por është dhe te Bashkia e Finiqit ku jeton një pjesë e madhe e pjesëtarëve të komunitetit etnik grek. Kemi komunitetet tona në qytetin e Sarandës, Delvinës, apo në Konispol dhe Selenicë. PBDNJ është një parti multi-selektive dhe nuk është një parti e një anshme.”
Duke u ndalur tek vota e diasporës që voton për herë të parë në 11 maji, Dule tha se “duke ardhur me një frymë tjetër, duke jetuar në realitete të tjera do përpiqen të infuzojnë këtë realitet dhe këtë frymë që jeton në vendet pritëse të tyre, si në shoqëri dhe në realitetet tona politike”.
“Kjo do të jetë shumë pozitive. Gjatë takimeve të zhvilluar me diasporën mund të them se pritja kishte përmbajtje, kishte problematik, kishte shqetësime të shprehura. Shqetësimi i tyre ishte jetik dhe kishte të bënte se çfarë po bëhet me të moshuarit tanë në Shqipëri dhe çfarë do të bëhet me fëmijët tanë? Si do të rriten këta fëmijë, a do të rriten si një brez emigrantësh pa atdhe, apo do të kemi një situatë ku secili do të kontribuojë në vendin e vetë”, theksoi kreu i PBDNJ.
Duke u ndalur më tej në këto takime, Dule u ndal dhe të takimet e zhvilluar me diasporën në Greqi ku shoqërohej dhe nga eurodeputeti i grek, Fredi Beleri, ai theksoi se ai është eurodeputet por nuk pushon së punuari për PBDNJ-në dhe OMONIA.
“Në takimet që kemi zhvilluar dhe i pranishëm ka qenë dhe z. Beleri me emigrantët shqiptar apo dhe me emigrantët e minoritetit etnik grek nga Shqipëria mund të them se ata na kanë kapërcyer ne në mentalitetin e tyre që kanë. Ata e ndiejnë Greqinë atdheun e tyre, sikurse dhe Shqipërinë. Është krijuar një brez, këtë e shikon dhe në rrjete sociale që krahas flamurit grek ndodhet dhe ai shqiptar”, tha ai.
Sipas tij, eurodeputeti Beleri është një viktimë e një hakmarrje brutale dhe banale politike.
“Çështja Beleri ka për të mbetur në histori por ai si eurodeputet nuk mund të luaj dot ata rol që ne do të donim të luante sepse duhet ti qëndroj parimeve të grupit të tij parlamentar në PE”, tha ai.
