Deputeti i PD Luan Baçi ishte sot i ftuar në Programin e drekës në News24 ku në një lidhje skype, foli për qasjen e opozitës ndaj zgjedhjeve të 11 majit.
Ai u shpreh se opozita është e bashkuar për rrëzimin e qeverisë në pushtet.
“Jemi të gjithë si opozitë e bashkuar. Opozita ka një pikësynim rrëzimin e pushtetit të korruptuar që mendoj se nuk jemi në krizë demokracie, ne kemi kaluar në autokraci. Duket sikur jemi republikë kryeministrore. Kuvendi është kthyer në noter”, tha ai.
Më tej ai ka folur edhe në lidhje me diasporës, duke deklaruar se kjo risi e tremb mazhorancën.
“Sakrifikuam, pranuam një Kod Zgjedhur aspak i duhuri, për votën e diasporës. Të kushtëzuar nga bllokimi i mazhorancës u detyruam të pranonim një Kod zgjedhor të tillë jo 100 përqind të hapur. Jemi në një luftë me mazhorancës, pas përfundimit të luftës për diasporën që janë me pasaporta të pavlefshme, tashmë kemi betejën për shqiptarët që kanë një pasaportë biometrike të vendit ku jetojnë, pjesë që mazhoranca nuk do ta votojë në Kuvend. Diaspora është e pamanipulueshme dhe e pashantazhueshme”, tha Baçi.
