Kreu i Grupit Parlamentar të PS Taulant Balla ka zbuluar sipas tij se kur do të zhvillohen zgjedhjet parlamentare dhe lokale në vend. Në një dalje për mediet ai u shpreh se 9 maji 2021 është një datë kuptimplotë për t’u zhvilluar zgjedhjet parlamentare.
“Zoti Basha nuk di si të mbajë Xhelal Ziun me gajret dhe synon të gënjejë përsëri. Zgjedhjet lokale sipas Kushtetutës duhet të jenë me ndryshimet e reja në kod, më 15 prill-maj 2023. Sa i përket zgjedhjeve në Durrës, Shkodër, Vorë, Rrogozhinë, kjo është një kompetencë e Presidentit që duhej ta kishte ushtruar. Zgjedhjet paralamentare sipas ndryshimeve të reja zgjedhore janë përafruar, 9 maji 2021, është një datë kuptimplotë për ne, është jo vetëm dita e Europës por dhe dita e fitores mbi fashizmin. Presidenti ta shqyrtojë këtë datë, ne jemi shumë dakord. Mua më vjen mirë që PD u tërhoq nga kërkesat e saj imagjinare”, u shpreh Balla.
Pyetje: PD ka nisur zgjedhjen e kandidatëve për deputetë e kryetarë bashkie, do kemi zgjedhje të parakohshme?
“Tani që zoti Basha nuk di se si të mbajë Xhelal Mziun me gajret i thonë nga zona e Xhelalit e synon që ti gënjejë përsëri është cështje e brendshme e PD”, tha Balla.
g.kosovari
