Ish-ministrja e Kulturës në Francë, Aurelie Filippetti disa ditë më parë duke folur për zgjedhjet brenda Partisë Socialiste bëri thirrje që të mos ndiqet shembulli i Shqipërisë. Ajo iu referua zgjedhjeve brenda PS-së në Shqipëri, ku Kongresi vendosi që të mos ketë zgjedhje për kryetarin e ri.
Filippetti në një opinion të publikuar në gazetën “Le Parisien”, fliste për riskun që gara për shpalljen e kandidatit për president në zgjedhjet e ardhshme mund të ishte “alla shqiptare”. Por, term i deputetes rebele brenda socialistëve francezë shkaktoi debat në Tiranë. Shkrimi erdhi një ditë pas referendumit në PS-së.
Pavarësisht kësaj, socialistët në Shqipëri u përpoqën që të saktësonin se bëhej fjalë për tjetër kontekst (periudhën jo pluraliste, pa e kishte fjalën për Partinë e Punës, jo atë Socialiste). Mediat në Francë shkruajnë se Filippetti ka marrë një telefonatë nga ministrja e Kulturës, Mirela Kumbaro e cila ka shprehur habinë e saj për deklaratën e deputetes. “Ajo nuk i është referuar Partisë Socialiste të Shqipërisë, që është aktualisht në qeveri, por Partisë së Punës së Shqipërisë, që ka drejtuar vendin deri në vitin 1991”. Me këtë sqarim duket se është shmangur dhe incidenti diplomatik.
