Komisioni i Ligjeve ka shtyrë për në orën 17:00 mbledhjen e tij për të diskutuar lidhur me emrat e kandidatëve për President që do të paraqiten në raundin e parë. Mbledhja ishte parashikuar për në orën 10:00, por është shtyrë për tu mbajtur një orë përpara seancës kur do të konsumohet edhe raundi i parë i votimit të zgjedhjes së Presidentit.
“Shtyrja e komisionit është bërë pasi gjatë kësaj kohe mund të ketë kandidatura”, tha kryetarja e Komisionit të Ligjeve, Vasilika Hysi. Rregullorja e Parlamentit parashikon që Komisioni i Ligjeve të shqyrtojë të gjitha kandidaturat që dalin, sa i përket plotësimit të kritereve të kandidatëve për President. Sipas Kushtetutës raundet e zgjedhjes së Presidentit duhet të zhvillohen me jo më shumë se 1 javë diferencë nga njeri votim në tjetrin.
ma.me
