Pas deklaratave të ashpra që bëri kreu i grupit Parlamentar socialist në Kuvend, Gramoz Ruçi ku u shpreh se PS i ka 71 vota edhe pa LSI, për zgjedhjen e Presidentit të ri, ka ardhur dhe lëvizja e radhës nga ana e koalicionit.
Kreu i grupit parlamentar të PS-së, Gramoz Ruçi dhe ai i LSI-së, Luan Rama kanë urdhëruar të gjithë deputetët që të anulojnë vizitat jashtë vendit dhe nesër në orën 17:00 të jenë në Kuvend për votimin e raundit të katërt, për zgjedhjen e Presidenti të ri.
Sot ne Kuvend Ruçi u shpreh se: “Sa për dijeni zoti kryetar ne socialistët i e kemi bërë llogaritë tona, i kemi pasur dhe po të doni i kemi 71 vota edhe pa LSI-në për ta zgjedhur Presidentin. Por unë shpresoj që të mos na detyroni dhe as e marrim përsipër të shkelim përsipër mbi moralin e kësaj force politike sepse PS-ja nuk dëshiron që të zgjedhë me forcën e numrave këtë çështje të rëndësishme për Shqipërinë në pesë vitet e ardhshme”.
c.a
