Nesër në 17:00 do të mbahet raundi i katërt për zgjedhjen e Presidentit të ri. Vendimi është marrë në mbledhjen e Konferencës së Kryetarëve pas kërkesës së kreut të grupit parlamentar të PS, Gramoz Ruçi. 3 raundet e para për zgjedhjen e presidentit janë djegur pasi akoma nuk ka asnjë kandidaturë zyrtare. Sipas kushtetutës për raundin e 4-t mjaftojnë 71 vota për zgjedhjen e Presidentit.
Djegia e 3 raundeve të para sipas Ramës dhe Metës është bërë që t’i jepej kohë opozitës dhe të zgjidhej një president konsensual.
Më herët pas seancës së jashtëzakonshme, Gramoz Ruçi kërkoi që parlamenti të zgjedhe Presidenitin. Ai tha se dialogu ka mbaruar dhe se Kuvendi duhet të kryejë detyrën kushtetuese duke e zgjedhur presidentin e ri nga kjo legjislaturë. Për këtë, Ruçi kërkoi që qysh nesër të zgjidhet presidenti ose të shkohet në zgjedhje brenda 45 ditësh.
“I kemi edhe 71 vota pa LSI, por shpresoj të mos na detyroni. Ju zoti kryetar keni anuar nga pala tjetër. Do t’ju kërkoja që edhe juve të na respektoni duke mos e mbyllur këtë parlament me një dështim të tillë të paligjëruar vetëm e vetëm për ata të çadrës” – tha Ruçi./javanews.al
c.a
