Partia Demokratike i ka kërkuar kreut të Kuvendit Gramoz Ruçi të dorëhiqet duke e akuzuar për “puç kushtetues” me zgjedhjen e Kryeprokurores së Përkohshme Arta Marku. Edmond Spaho ka deklaruar në mbledhjen e Konferencës së Kryetarëve se “Ruçi zbatoi puçin ushtetues të urdhëruar nga Rama”.
Sipas opozitës, qëllimi i emërimit është antikushtetues për t’i dhënë mbrojtje ligjore ish-ministrit të Brendshëm Saimir Tahiri i akuzuar për trafik droge.
“Me 18 Dhjetor u krye puç kushtetues, i urdheruar nga Edi Rama, por i zbatuar nga Ruçi. Kryeprokurori duhej te zgjidhej me 3/5, i propozuar nga KLP dhe me vetting. U emerua me 69 vota, nga PS dhe pa vetting.
Qellimi i emerimit antikushtetues i Kryeprokurorit eshte t’i jape mbrojtje ligjore pushtetit te inkriminuar dhe te korruptuar te Edi Rames. Qellimi i emerimit antikushtetues i Kryeprokurorit per te mbrojtur Saimir Tahirin nga akuza e trafikut nderkombetar te droges, Vangjush Dakon nga pergjimet e sherbimeve te huaja per blerjen e votes nga kriminelet ne kembim te tenderave, Qazim Sejdinin per lidhjet me krimin e organizuat, pastrimin e parave dhe blerjen e zgjedhjeve.
Opozita nuk mund te lejoje shkeljen e vazhdueshme te Kushtetutes dhe delegjitimimin e insititucioneve. Opozita do te qendroje fort ne mbrojtje te Kushtetutes dhe institucioneve demokratike. Doreheqja e Ruçit eshte hapi i pare i kthimit te normalitetit ne parlament”, ka thënë Spaho.
