Në seancën e sotme plenare kryetari i Grupit Parlamentar të Partisë Socialiste, Niko Peleshi, theksoi gatishmërinë e mazhorancës për të vijuar me procesin e zgjedhjes së Avokatit të Popullit.
Flamur Noka: Duhej të votohej kandidatura për Avokatin e Popullit. Pas zgjedhjeve duhet të kalonte për votim. Në kalendarin e këtyre dy javëve nuk ekziston votimi i kandidaturave të Avokatit të Popullit. Respektoni rrgeulloren, futeni në rend dite votimin.
Niko Peleshi: Është e vërtetë që është ngritur nga zoti Noka si çështje. Unë kam kërkuar që të bëhet procesi si gjithmonë, të ulemi të dëgjojmë propozimet e opozitës. Mazhoranca para se të votojë ka të drejtën që të njihet me të gjithë. Të gjitha propozimet e ardhura janë të propozuara nga opozita dhe për këtë aryse ne duhet të zhvillonim bisedime. Mund ta rimarim këtë temë dhe ta vazhdojmë tani pas zgjedhjeve. Ne nuk kemi ndonjë kundërshtim që të vijojmë procesin përmbyllës për zgjedhjen e avokatit të popullit.
Kreu i PD-së, Sali Berisha, theksoi se Besim Ndregjoni, emër i propozuar nga opozita për Avokat të Popullit, i plotëson të gjitha kriteret, por akuzoi mazhorancën se po shtyn procesin pasi hezitojnë të pranojnë kandidaturën e propozuar nga PD.
Sali Berisha: Problemi i Avokatit të Popullit shtyhet prej një viti. Kreu juaj Ramaduro, nuk pranon kandidaturën që paraqet opozita ndonëse ai plotëson çdo kriter dhe e nderon atë detyrë. Në rregullin ka qenë që avokati propozohet nga opozita. Ju keni hezitim të pranoni një kandidaturë nga shtresa e të persekutuarve politkë ndonëse zoti Ndregjoni i plotëson kriteret. Hajde ta votojmë sot dhe ta mbyllim këtë punë.
