Zëvendëspresidenti i Shteteve të Bashkuara të Amerikës, JD Vance, së bashku me familjen e tij, ka mbërritur mëngjesin e sotëm në Romë të Italisë.
Sipas Ansa ai ka mbërritur në aeroportin Ciampino, rreth orës 07:44. Numri dy i Shtëpisë së Bardhë pritet të zhvillojë një takim miqësor me kryeministren italiane, Giorgia Meloni në Palazzo Chigi.
Shtëpia e Bardhë njoftoi sakaq se nga data 18-24 Prill, JD Vance do të udhëtojë në Itali dhe Indi, për të diskutuar prioritetet e përbashkëta ekonomike dhe gjeopolitike me lideret e këtyre vendeve.
Përveçse me Melonin, JD Vance do të takojë edhe Sekretarin e Vatikanit, Pietro Parolin.
Sakaq, në Indi zëvendëspresidenti do vizitojë Nju Delhin, Jaipur dhe Agra, ku do të takohet me kryeministrin Narendra Modi.
Njoftimi i Shtëpisë së Bardhë:
Zëvendëspresidenti JD Vance dhe Familja e Dytë do të udhëtojnë në Itali dhe Indi nga 18 deri më 24 prill. Zëvendëspresidenti do të diskutojë prioritetet e përbashkëta ekonomike dhe gjeopolitike me liderët e secilit vend.
Në Romë të Italisë, zëvendëspresidenti do të takohet me kryeministren Giorgia Meloni. Nënkryetari do të takohet edhe me Sekretarin e Shtetit të Vatikanit, kardinalin Pietro Parolin.
Në Indi, Zëvendës Presidenti do të vizitojë Nju Delhi, Jaipur dhe Agra. Nënkryetari do të zhvillojë takime me kryeministrin Narendra Modi. Nënpresidenti dhe Familja e Dytë do të marrin pjesë gjithashtu në angazhime në objektet kulturore.
