Prej kohësh ka nisur një fushatë e largimit të këshilltarëve të LSI nëpër bashki drejt Partisë Socialiste. Thuasje çdo ditë në media dalin këshilltarë të kësaj force që shprehin bashkimin me PS.
Por jo të gjithë duket se e kanë pritur mirë këtë fushatë në Partinë Socialiste. Një prej tyre është deputetja e PS Adelina Rista, e cila i quan këta njerëz “kameleonë” dhe këpusha që i ngjiten PS.
Ajo hedh dyshime se edhe deklaratat që ata këshilltarë lexojnë janë shkruar nga tjetërkush. Meraku i deutetes janë socialistët e thjeshtë që sipas saj mbajnë në kurriz këta “kameleonë’ që kanë marrë premtimin e radhës.
Statusi:
… Të zhgënjyer???!!! … Tani u qenkeshin hapur sytë???!!! … Po pse zgjedhin Selinë e PS për të bërë publik “zhgënjimin” e tyre, duke lexuar nëpër rreshta që nuk i kanë shkruar vetë???!!!
…. Këta kameleonë interesaxhinj, burracakë, që në cdo kohë i qëndrojnë si këpusha mbi trup PS-së… pse nuk e bëjnë publik qëndrimin e tyre nga zyrat e Partisë së tyre…të largohen prej andej e …. pastaj le të trokasin në derën e PS- së,… të anëtarësohen sipas statutit të kësaj partie… e të japin prova duke punuar në radhët e saj si e gjithë anëtarësia socialiste?!
Eh….socialistët e thjeshtë!… sa keq ndihen kur shohin se duhet të mbajnë mbi shpinë për t’i nxjerrë palagur matanë lumit, lloj- lloj kameleonësh që kanë vënë kushtin e radhës… dhe kanë marrë premtimin e radhës… Fenomeni LSI!…… Dhe është i njohur ky fenomen… ndodh sa herë që LSI nuk ka pushtet… #FenomeniLSI#
/a.m.
