portieri i kombëtares Etrit Berisha u dënua nga FIFA me dy ndeshje pezullim.
vendimi erdhi për shkak të goditjes me kokë që i dha sulmuesit të Izraelit, Zahavi në ndeshjen që kuqezinjtë zhvilluan në “Elbasan Arena” për kualifikueset e botërorit.
Ndërkohë, FSHF është dënuar me 10 mijë franga për sjellje të gabuar të tifozëve shqiptarë në sfidën ndaj Izraelit.
“Federata Shqiptare e Futbollit sot është njohur me vendimet e marra nga Komisioni i Disiplinës në FIFA gjatë mbledhjes së datës 9 dhjetor. Lidhur me ndeshjen Shqipëri-Izrael, komisioni ka vendosur të dënojë FSHF-në me 10.000 franga zvicerane gjobë për sjellje të gabuar të tifozëve. Gjithashtu, portieri Etrit Berisha, i cili u ndëshkua me karton të kuq gjatë kësaj ndeshjeje, është dënuar me 2 ndeshje pezullim dhe 5.000 franga zvicerane gjobë”, “, thuhet në deklaratën për shtyp të FSHF-së./a.m.
