Presidenti Zelensky ka thënë se 16.000 trupa ruse janë vrarë, ndërsa ushtarët e tij po përgatiten për të rimarrë qytetin e parë që Putin pushtoi.
Udhëheqësi ukrainas tha se trupat e tij u dhanë goditje të fuqishme forcave të Moskës dhe i kërkoi Kremlinit të negocionte për t’i dhënë fund luftës.
Por ai paralajmëroi se “nuk do lejojë kurrë që asnjë pjesë e territorit ukrainas t’i dorëzohet tiranit Putin, si kusht për arritjen e një marrëveshje”.
Trupat e Zelensky po përgatiten të rimarrin sot Kherson, i cili ishte qyteti i parë i madh që forcat pushtuese morën nën kontroll.
Një këshilltar i ministrit ukrainas të mbrojtjes tha se mendonte që qyteti mund të rimerrej sot nën kontroll.
Por Ukraina tha se bisedimet me Moskën janë “shumë të vështira” dhe u zotua të mos tërhiqet nga kërkesat e saj, më shumë se një muaj pas pushtimit të Rusisë.
“Procesi i negociatave është shumë i vështirë. Delegacioni ukrainas po mban një qëndrim të fortë dhe nuk heq dorë nga kërkesat e tij. Ne insistojmë, para së gjithash, për një armëpushim, garanci sigurie dhe integritet territorial të Ukrainës”, tha ministri i Jashtëm, Dmytro Kuleba.
Ukraina është e mbushur me tanke dhe automjete të blinduara ruse të djegura, mbetje të avionëve të rrëzuar dhe trupa të pajetë të ushtarëve, shumë prej të cilëve adoleshentë.
g.kosovari
