Presidenti i SHBA-së, Donald Trump, tha se mesazhi i tij për udhëheqësin rus Vladimir Putin ishte se lufta në Ukrainë duhet të përfundojë, pas asaj që ai i quajti bisedime “të mira” me Presidentin ukrainas Volodymyr Zelenskiy në Davos.
Zyrtarët amerikanë dhe ukrainas kanë kaluar javë të tëra në një diplomaci frenetike, ndërsa Kievi përballet me presionin e Trump për të siguruar paqen në luftën gati katërvjeçare, pavarësisht pak shenjave se Moska dëshiron të ndalojë luftimet, shkruan A2CNN.
Pas një takimi me udhëheqësin ukrainas që zgjati rreth një orë, Trump tha se ata patën një diskutim “të mirë”, por nuk dha detaje të mëtejshme mbi përmbajtjen e bisedës. Të mërkurën, Trump kishte thënë se një marrëveshje ishte “mjaft afër”.
“Mendoj se takimi me Presidentin Zelenskiy ishte i mirë. Është një proces i vazhdueshëm”, u tha Trump gazetarëve, duke thënë se të dërguarit e SHBA-së po shkonin për bisedime në Moskë të enjten. I pyetur se cili ishte mesazhi i tij për Putinin, Trump u përgjigj: “Lufta duhet të përfundojë”.
Nga ana e tij, Zelenskyy i bën thirrje ndërgjegjes së Evropës: “Disa udhëheqës evropianë mund të jenë nga Evropa, por ata nuk veprojnë për Evropën.” Evropa nuk është një fuqi e madhe. “Shumë shpesh, evropianët kthehen kundër vetes – në vend që të qëndrojnë së bashku dhe të ndalojnë Rusinë.”
Sipas Zelensky-t, “makineria e luftës e Putinit vazhdon të funksionojë”. “Nëse Evropa nuk shihet si një lojtare globale dhe nuk i pengon aktorët e këqij, ajo gjithmonë do të reagojë”.
Rusia nuk mund të ndërtojë raketa pa komponentë nga jashtë. “Evropa thotë: Ne nuk po furnizojmë asgjë. SHBA-të thonë: Ne nuk po furnizojmë asgjë. E megjithatë Rusia po ndërton raketa.” Vendi merr komponentë nga prodhues evropianë, amerikanë dhe tajvanezë. “Jo vetëm nga Kina.”
