Zbardhja e një pjesë të mirë të bisedimeve në mbledhjen e Kryesisë së Partisë Demokratike, si dhe deklaratat e grupit ‘anti-Basha’, se veç votave kundër kishte edhe 20 abstenime, ka sjellë reagimin e zëdhënëses se PD-së, Ina Zhupa.
Me anë të një postimi në Facebook, Zhupa i quan si Fake News, deklaratat në fjalë, pasi sipas saj e vërteta ësthë ndryshe, ndërkohë që sjell edhe numrin e votave pro, kundër dhe abstenim ndaj propozimit të Gent Malkos.
Ajo shprehet se nuk dëshiron të bëjë publik emrat e atyre që votuan dhe sesi votuan, por shprehet se të gjitha lajmet mbi abstenimet janë të gënjeshtërta.
“Më vjen shumë keq kur shikoj të përhapur një lajm fallso që nuk e kuptoj dot nga e ka burimin. Ndjej si detyrë të informoj se dje në mbledhjen e kryesisë, pjesë e të cilës jam edhe unë kemi zhvilluar disa votime.
Votimi i parë dhe ai që është përhapur si FAKE NEWS ishte propozimi i anëtarit të kryesisë Gent Malko i bërë edhe publik. Ky propozim u hodh në votim nga treshja drejtuese e kryesisë.
Në këtë votim rezultati ishte:
24 Kunder propozimit te Z. Malko
11 Pro propozimit të Z. Malko
10 Abstenime
Pa dashur të bëj publike emrat e anëtarëve dhe votën se nuk është detyra ime, desha të bëj me dije që çdo lajm që flet për rezultat abstenues është i pavërtetë.
Interpretimet e këtij rezultati të vërtetë po ja lë gjithsecilit ti bëj.
Një gjë është e sigurt PD sapo ka hapur një garë, e cila duhet të na forcojë, të na bashkoj dhe të na japi mundësi të ecim përpara. Fituesin e përcakton anëtarësia e partisë sipas parimit: Një anëtar, një votë“, shprehet Zhupa
