Deputeti Saimir Korreshi, ka reaguar me një status në Facebook, pas mospranimit që nënkryetarja e PD-së Oriola Pampuri i bëri kërkesës së paraqitur nga Gazment Bardhi për Avokatin e Popullit, nën emrin e Partisë Demokratike.
Pampuri mohoi që PD të ketë bërë një kërkesë të tillë, duke e cilësuar si një pazar personal në dëm të qytetarëve shqiptarë.
Menjëherë pas saj, deputeti Korreshi e ka cilësuar Pampurin si “zëdhënëse të ekipit Dvoran”, ku shton se kjo çështje nuk mund të presë.
Saimir Korreshi: Zëdhënësja e ekipit “Dvorani” duhet informuar që përzgjedhja e Avokatit të Popullit është një proces parlamentar dhe një çështje që nuk pret derisa të dakordësohet, skutave, takimi i radhës i shokut Luli, apo punimet në “Santorini Residence”.
Të dy grupeve parlamentare PS dhe PD u është kërkuar një proces i shpejtë dhe transparent, për të çuar përpara procesin përzgjedhës, pa vonesa të tjera të paarsyeshme. Shoku Luli duhet ta informojë zëdhënësen se takimet skutave nuk prodhojnë asnjë efekt për Grupin Parlamentar të PD. Seanca e datës 21-22 Dhjetor 2022 e provoi këtë!
