Veçanërisht kur një aksion politik i tij i kalon pritshmëritë (siç edhe e pranoi vete), Sali Berisha, ka gjithnjë diçka për të përcjellë publikisht.
Në konferencën e përjavshme për shtyp që rastisi një dite pas protestes së parë të organizuar prej tij qysh prej rikthimit në PD, Sali Berisha, u pa me disa refleksione apo hapa pas në raport me aksionet e tij te mëparshme.
Së pari; Sali Berisha sqaroi qëndrimin e tij polemizues të se enjtes se Edi Ramën e ka armik. Berisha sqaroi për mediat se ai e ka shpallur armik Edi Ramën për dy arsye; Rikthimin e monizmit dhe cenimin e votës së lirë.
Berisha tha se nuk e kishte bërë një gjë të tillë kur u shpall ‘non grata’ nga DASH duke i mbetur qëndrimit se ai (Rama) ka furnizuar me informacione te rreme Departamentin e Shtetit.
Së dyti; Sali Berisha specifikoi gjatë konferencës se PD-ja do të vijë në pushtet vetëm përmes votës. “PD vjen në pushtet vetëm me votë, dhe në asnjë mënyrë tjetër”.
Berisha e përsëriti disa herë këtë qëndrim duke përcjellë për here të parë mesazhin për të vetët se ai nuk do të synojë pushtetin përmes trazirave, apo shkelmimit të kryeministrisë siç demokratët janë gënjyer deri më tash. Të paktën jo deri tani.
Berisha tha gjithashtu disa here se qëllimi është largimi i kryeministrit Edi Rama, por nënvizoi njëkohësisht se duhet ndryshuar e gjithë mënyra e qeverisjes.
Ndaj dhe ai doli tek reflektimi i tretë për njerëzit; “Harrojeni Berisha 2” i tha kreu i PD-së një gazetari kur e pyeti se çfarë do të sjellë të re PD-ja në pushtet.
“Një mandat i ri do i bëjë shqiptarët të harrojnë Berishën e mandatit të dytë. Një mandat i ri, do rivendosë liritë dhe të drejtat e tyre…”, tha ai.
Së katërti; Si asnjëherë tjetër Berisha u tregua i rezervuar për protestën e radhës. Kush e njeh atë, (nga entuziazmi i momentit apo për të mbajtur ‘gjalle’ militantet), Berisha, ende pa folur me askënd, u thoshte demokratëve një datë për protestën e radhës. “…Nuk mund të them se do jetë vera apo vjeshta, por do të vazhdojë në format e tij. Gjer sa të kalojë qytetarët në shesh, deri në realizimin e qëllimit ë tyre”, tha ai.
Së pesti; Berisha reflektoi në raport me Bashën kur tha se nuk e ftoi në protëstë që të mos ishte ky i fundit lajmi.
Ai nuk kishte një këshillë të radhës për të, por nuk kurseu Enkelejd Alibeajn kur e cilësoi lolo të Edi Ramës.
Berisha pati një qëndrim të drejtpërdrejt për deputetët kritikë ndaj tij që morën pjesë në protestë.
Duke i përgëzuar ata për pjesëmarrjen, Berisha tha se, “deputetët që vënë PD-në të parën, dinë të marrin vendimet e duhura”.
Së pesti; Se PD nuk do të lejojë më vjedhjen e votës. Berisha paralajmëroi se nuk do të tolerohet më në këtë drejtim, duke paracaktuar skema, por pa specifikuar se cilat konkretisht.
“Nuk do e lejojmë Ramën t’i prekë ato…
Do gjenden mënyra që të mos mendojë kush të blejë votën. Do gjenden mënyra që të mos ia përdorë tjetrit vendin e punës. Që të mos i bëjë shantazh. Këto do marrin fund…”./Si/m.j
