Sezoni fantastik që po kalon Lazio e ka një arkitekt. Ish-sulmuesi i kombëtares shqiptare që momentalisht është drejtori sportiv i të kaltërve, Igli Tare “fshihet” pas kësaj skuadre me plot yje.
Keita Balte, Sergej Milinkoviç-Saviç , Felipe Anderson, Luis Alberto dhe Stefan De Vrij janë vetëm disa nga emrat që ka zbuluar Tare, që është “dekoruar” nga “Football Leader 2018” si “Drejtori më i mirë”.
Një titull që vjen pas atij të marrë vetëm disa muaj më parë nga Federata Italiane e Futbollit, si “drejtori më i mirë sportiv” në Itali.
Me çmim të rëndësishme u shpërblye dhe trajneri i Sampdorias, Marco Giampaolo që fitoi “Trajneri i duhur”. Tekniku ishte më i votuar në mesin e 81 trajnerëve.
“Trajneri më i shquar për lojën e ndershme, me sjellje të veçantë. Me qetësinë e tij dhe me të kaluarën e tij si futbollist, Giampaolo ka dhënë një shembull të shkëlqyer jo vetëm për lojtarët por edhe për kundërshtarët “.
Pas Giampaolo u rënditën ish-tekniku i Milanit, Montella, Rafa Benitez, Maurizio Sarri dhe Gasperini.
Tare dhe Giampaolo do të tërheqin çmimet mbrëmjen e 28 majit, në një ceremoni të organizuar nga”Football Leader 2018” në “Hotel Royal Kontinental” në Napoli.
a.ç
